سيدة عوض..كسرة النفس مش ممكن تعدي كده و خلاص

بقلم/سيدة عوض

يعني ايه كسرة نفس ..

يعني تحس قلبك موجوع و مش قادر انك تحكي …

يعني تكون شايف الدنيا دي كلها باهته و مش لاقي لون يفرحك ده حتي الاسود بقولك بلاش تقرب مني هو انا مش ناقص …

يعني روحك بتكون واقفة في باب الخروج بتعافر بس مش عارفه تطلع كيف لأنه في صخرة كبيرة سادة طريقها اسمها عبره …

يعني حتي و انت مخنوق بتكون بتحسس علي رقبتك و تحاول تفك الخناق اللي كاتم علي نفسك بس ما بتلحق لانه مش عارف اذا فكيتو ح تحيا كيف …

يعني العيون الحلوة اللي كانت بتضحك و مليانة حب و حنان و سعادة تبقي فارغة من الحياة و كأنه في ثقب أسود بجذبك و انت مستسلم مش قادر او مش عارف او مش عاوز تقاوم …

يعني الحياة بتفارقك و انت عايش ..

و ح تبقي عايش جسد لا غير ..

مية ألف فكرة وحشة بتجي علي دماغك

مية سؤال بلف حواليك من غير ما تلاقي اجابة تقنع بيها نفسك ..

هو ليه أنا بالذات ..؟

يمكن ربنا بحبك علشان كده عاوزك تعيش الكسره العظيمة دي علشان تبقي أقوي ..

و يمكن ربنا بعاقبك علي حاجات سيئة انت عملتها بس مش فاكرها ..

و يمكن ربنا ببين لك انه مش كل الجدعنة و الطيبة بتلاقي اللي يقول شكرا هو كان حد كويس خالص معانا و بلاش نأذيه …

الأذيه دي أكبر كسرة نفس ممكن تحصل لحد …

و مش الاذي البدني لاااااا ده الأذي النفسي ببقي أكبر و أعمق و أكتر ألم وهو اللي بخلينا مفرغين من الحياة ..

الأذي النفسي مرات بكون كلمة جارحة تفضل تقطع في القلب من غير رحمة…

مرات بكون وحده عظيمة عايشها رغم الكتير اللي حواليك…

و مرات بكون بفعل يخليك تلف حول نفسك مية ألف مره و تقول يا تري هل أنا أستاهل يتعمل فيا كده ..

ايوا تستاهل لأنك ما كنت وحش كنت ساذج و طيب بزيادة ..

طيب ليه هي ضريبة الطيبة انه يتعمل فيا كده …؟

بقول لك ايوا ..

لانك لما انت بتعمل الحاجات الحلوه في حقهم و انت ناسي نفسك كنت عبيط …

هم كانوا ببنوا في نفسهم في اسرهم في عملهم في مستقبلهم و انت كنت يا حرام واقف ساندهم برأيك و بأيامك و بعمرك و بإهتمامك …

كنت بتشاركهم جراحهم و تضمدها و توقف النزف وتخاف عليهم من الألم ..

بقول لك ايوا ..

لانك لما اول مره انكسر خاطرك ما تعلمت من الدرس كويس بس قلت أهو بلاش جرح و عدا و ما اظن يتكرر تاني ..

لانك كنت بتعالج مشاكلك لوحدك …

و بتحكي لنفسك لوحدك …

لانهم كانوا مشغولين عنك بأنفسهم يعني مش فاضين يسمعولك حتي …

و حتي لو سمعو حكاياتك الحزينة بطبطبوا ع الماشي و بمسحوا دمعتك علشان ما تشغلهم بيك ..

يعني كانوا عطوفين معاك علشان ما يسببو لنفسهم قلق ..( فهمت )

بقول لك ايوا ..

لانك ما عرفت توقف في طريق سعادة حد بالعكس ده انت كنت بتم سعادتهم من مخزون سعادتك …

لانك ما عرفت تقول لاااا ما ينفع يفرحو ..

لااا ما ينفع يضحكو ..

لاااا ما ينفع تكون لهم حياتهم الخاصه ..

بقي يلا استحمل كسرة النفس اللي حصلت لك و ما تقول انا قلبي موجوع و مش عارف ابكي حتي ..

استحمل مش انت عادي بتستحمل ..؟

ايه الجديد يعني ؟

كسرة النفس دي ما بحسها الا اللي عاشها

اللي جرب يكون هش جدا من جواه و من بره بحاول يتماسك و يظهر انه قوي و اقوي ..

اللي جرب يتخان من صحاب و بالتالي بقي عديم ثقه في الجميع …

اللي جرب ينجرح من عيلته و ده اللي ما عنده علاج أبدا و مش ممكن يشفي من جراحاته ولو طال الزمن …

اللي جرب يتظلم من حد قريب منه و ده ببقي يشوف الظلم عادي ع اساس انه طبيعة البشر كلهم كده ظلمة و عندهم جبروت ..

اللي جرب ما يلقي من يسند ضهرو و وقت ما احتاجه كان لوحده بشيل ذنبه و ذنوب ما يعرفها و لا كان ليه يد فيها ..

اللي جرب حاجات يشيب منها الراس و كبر مليون سنة تاني فوق عمره ..

اللي جرب يتهد حيطه من اقرب الاقربين له و ما يلاقي ايد تناوله و تقول له يلا اوقف و شد طولك و ضهرك انا معاك ..

اللي جرب يبكي و الدنيا عيد و يحزن و الناس فرحانه ..

كسرة النفس دي مش حزن عقيم بيعدي من غير ما يكون له تبعات لاااا هي بوابة إكتئاب و هاوية وحدة عميقة شديد ..

كسرة النفس رحيل .. طريق ما عنده اخر بس ليهو أول و أوله بكون في اللحظة اللي كبر فيها القلب وضاقت بيه الضلوع و ما قدرت العيون تنزل قطرة دمع واحده ..

كسرة النفس بتقتل و ده حقيقي كتير ناس ماتت و نفسها مكسوره .. أياً كان السبب اللي كسرهم ببقي احساس انهم مخنوقين و قلبهم واجعهم واحد .. و ده القاسم المشترك الوحيد بينهم ..

كسرة النفس دي مردودها عظيم خالص فحاسب و انت بتكسر نفس حد .. حاسب تشرب من نفس الكأس في يوم ده ربنا ما بسيب حاجه تمر كده و السلام ..

كسرة النفس مش ممكن تعدي كده و خلاص..

هي لما بتحصل لحد و ربنا ما يضوقها لحد ببقي لازم يعيد ترتيب حياته و الناس اللي فيها و يعرف هو عاوز ايه و عمل ايه و ح يعمل ايه و عنده ايه يملكه في الدنيا دي غير نفسه اللي اتكسرت ..

و هل يسأل كل مره ليه انا بالذات ؟

#كسرة_نفس

#sayda_awad