ضل الدليب

 ودالشريف
=========

** الراحل عثمان خالد احد مبدعينا في الأدب والشعر الغنائي. رفد مكتبة الاغنية السودانية بالعديد من الروائع وكانت… الي مسافرة… التي تغني بها حمد الريح في نهاية الستينات نقطة تحول في مسيرته… الي مسافرة ضربت سوق الكاست في ذاك الزمان و رددها الشارع كله …. ياقلبي المكتول كمد. اعصر دموع وهات غنوه لسيد البلد يا حليلو…. وفيها..أيضا. . أهديك عيوني عشان استريح الدنيا بعدك ما تسر….. منتهي الوفاء للحبيب …. عثمان خالد غني له الرائع عثمان حسين… احلي البنات…. والله يا احلي البنات لو كانت لقيت سر الغنا … كان طرت عانقة السحاب وحلقت عبر الازمة.. وغني له صلاح بن البادية…. ننساك هو انت بتتنسي… ما انت روحنا وحبنا . وردد كلماته كذلك زيدان ابراهيم وعبد العزيز المبارك…… عثمان خالد من أبناء مدينة بارا.. توفي في ريعان شبابه وخلف ولد وبنت

** كما ذكرت في مرة سابقة… محمد وردي هو من قام بتلحين اغنية… عارفنو حبيبي…. الاغنية كتبها اسماعيل حسن وسلمها لعثمان حسين وأخذت معه وقتا طويلا ولم يوفق في تلحينها وقال له اسماعيل حسن اديها للمصيبة ده وكان يقصد وردي واسماعيل كان بقول لوردي المصيبة لانه موهوب و بارع في التلحين ….. المهم وردي تسلم القصيدة ولحنها خلال يوم واحد وقال لعثمان حسين تغنيها انت وفعلا غناها لكنه ما كان يعترف ولشيئ في نفسه بأن وردي من لحنها رغم كونه غني من الحان عبد اللطيف خضر….واخرين.. وردي حكي لشخصي وشخصي مسئول عن ذلك… حكي لي بأنه كان من المفترض أن يحيي حفلا مع عثمان حسين بسينما العرضة بام درمان وقبل بداية الحفل ذهب لعثمان وقال له انا الليلة حاغني. عارفنو حبيبي وانت غنيها وخلي الجمهور يحكم وغادر عثمان حسين مكان الحفل

** في مرة قادمة بإذن الله احكي لكم عن رائعة وردي… قلت ارحل

** من الاقوى صوتا… جلال الصحافة… ام فيصل الصحافة…. ام خالد الصحافة

** ترجيت جلال الصحافة ان يمدني برائعة ابراهيم الكاشف… انا يا طير محل ما تطير بشوفك بصوته لكنه لم يفعل

** اقوي صوت شبابي وبلا شك هو صوت الراحل محمود عبد العزيز… ومحمود ايدع في شريط حمل عدد من اغنيات الحقيبة قدمها بالعود

** جمال فرفور ما خلي اغنية ما غناها.. ما شاء الله…. حقيبة…. وردي.. ابن البادية…. محمد ميرغني…. صلاح مصطفي…. ما خلي حاجة وابدع في الأداء….. صوته من الأصوات الجميلة ونفسو طويل عكس عصام محمد نور

** كتب أحدهم ان اغنية ليلة السبت لصلاح بن البادية من كلمات ابو امنة حامد… وهذا غير صحيح….. الأغنية كتبها شاعر كويتي اسمه محمد القاضي وابوامنة كتب لابن البادية…. سأل من شعرها الذهب.. ووشوشني العبير.. الاولي من الحان عبد اللطيف خضر والثانية لحنها ابن البادية بنفسه

** الطيب عبد الله الفنان الوحيد الذي يكتب ويلحن اغنياته اشهرها…. السنين. وتبع الحنان

** شاعر ظلمه الإعلام هو مصطفي عبد الرحيم… صاحب هوج الرياح لأحمد الجابري وتذكار عزيز لابراهيم عوض وهنالك شاعر اخر مظلوم. هو محمد الجندي غني له ود البادية… الف اهلا يا دموع وغني له الطيب عبد الله.. يا المصيرك تنجرح

** الراحل عوض احمد خليفة كتب… غاية الآمال لابراهيم عوض وكيف يهون لعبد الكريم الكابلي وتغني له عثمان حسين بعدد من الروائع اشهرها… عشرة الايام. وربيع الدنيا… ويا نورة

** ولو حنيت لعهد الشوق اجيب من وين عمر تاني
… لو وشوش صوت الريح في الباب. يسبقنا الشوق قبل العينين
تجيني يجيني معاك زمن امتع نفسي بالدهشة
وداعا يا ظالم الهم علي ابوابنا ما تعب….
ولمن اكتب لك وداعا قلبي ينزف في الدواية
وزي وطنا وقت اشتاقلو برحل ليهو من غير زاد
هذه ابلغ العبارات في الشعر الغنائي كتبها… اسماعيل حسن….. اسحق الحلنقي…. عمر الطيب الدوش….. فضل الله محمد… محجوب شريف…. التجاني سعيد

** بتتعلم من الايام…. عمل إبداعي كبير قدمه الراحل محمد الأمين

** عاجل الشفاء لفنان الطمبور عبد الرحيم ارقي صاحب راضي عنك سو رضاي والرحمة والمغفرة للفنان صديق أحمد رغم كوني لا اطيق الاستماع لاغنياته ولي معه موقف طريق ربما احكيه لاحقا

** الطيب مدثر فنان محترم.. لا يردد الغناء الهابط وله محبين ومظلوم إعلاميا

** اين المطرب حسين شندي

** عثمان اليمني ترك ارثا فنيا كبيرا ليبقي بين الناس واحبه شديد وادخل اليوتيوب احيانا وابحث عن اغنياته…. شادية… وانا طاريك يا ام درق طاري العشيرة. وغيرها

** احترم جدا مكارم بشير لأنها تحترم اغنيات الكبار… لا تشوشها كما يفعلن الاخربات ويفعل الاخرين

** للأسف الأسافير مشغولة بمغني فاشل يدعي شريف الفحيل

** ما اروع سيد خليفة في اغنيات الستينات

** كلمة الحمار ذكرت حوالي اربعة مرات في اغنية عم عبد الرحيم

** رمضان زايد ورمضان حسن وصلاح محمد عيسي أصوات فريدة لا يعرفها الجيل الحالي وتشدني… انا بهواك. لصلاح محمد عيسي فنان ام درمان في اوائل الستينات

** أميز من عزف علي الكمان هو الراحل عبد الله عربي واميز من عزف علي الجيتار هو الراحل صلاح خليل وافضل من عزف علي الإيقاع هو الراحل جعفر حرقل…… لهم الرحمة والمغفرة

** صلوات في هيكل الحب. من الاغنيات الجميلة .. كتبها الشاعر التونسي ابو القاسم الشابي وغناها حسن سليمان الهاوي ورددها من بعده سيف الجامعة بصوت مشروخ

** محجوب شريف… فنان الشعب…. لو كتب جميلة ومستحيلة وحدها لكفته

** اذا أردنا الحديث عن شاعر أفريقيا محمد الفيتوري صاحب… الأنشودة الشهيره… أصبح الصبح…. نحتاج لصفحات وصفحات

** حدثت عنك نجمة جارة
وزرعت اسمك حارة حارة