شعر/راوية احمد
كيف يحبك قلبي تاني
مش خلاص اخترتا غيرنا
وكنتا واثق من قرارك
وسبتا قلبي وراكا بنزف
وراجي يشهد انكسارك
جيتني من وين تاني انت
جيتني كايس اعتبارك
جايي عشمان بي رجوعنا وراجي اقبل اعتزارك
وانسي وجعي العشتو جنبك وليك ابارك اختيارك
الرجوع في حد ذاتو قصة ابعد من خيالك
….. ….. ……..
……. …… …….
جيت تصحي جروح قديمة وراجي اعمل ليكا قيمة
وراجي من جواي اسامحك بعد ماضقتا الهزيمة
لالا مابنفع وحاتك ترجع الريدة القديمة
وليك اسلم قلبي تاني
وانسي زكراك الأليمة
……. …… ……..
قلبي من مافتو بنزف عاش حكايتك بي ضميرو
وقاسي شان يقدر يسيبك
يوم عيونك شافو غيرو
بالحنين يطراكا باكي والمشاوير هدو حيلو
وعدت الايام عليا وعهد حبك ياحليلو
……… ….. ……….
كيف اسامحك وتاني نرجع وليك اهديك الاماني
وكيف تطالب بي رجوعنا وجايي كايس لي حناني
انت دمرتا المحبة بي غرورك ياأناني
وجايي طالب مني نرجع كيف يحبك قلبي تاني ….
…….
راوية احمد
