راوية أحمد:-ورغم المسافات والبُعاد..مامَلَت أفكاري الغياب..لاشفت غيرك شان أحب..لاقُلتا مالي انا بالعذاب

وانا كل ما اكتب واقول

مابقدر اوصف ليك هواي

تتلخبط الاحرف تجوط

تلقاني اتبسم براي

يسرقني حرفك والكلام

لي حتة ابعدمن مداي

وارحل واسافر لي بعيد

وادوزنك في كل غناي

……. …… ……..

ورغم المسافات والبعاد

ماملت أفكاري الغياب

لاشفت غيرك شان احب

لاقلتا مالي انا بالعذاب

انا اصلي جد بهواك كتير

وخاتاكا اقرب من قراب

طولتا غيبتك لينا عود

قبال يفوت عمر الشباب

…….. . … ………

راوية احمد