شعر/راوية أحمد
يعني خلاص قررتا تفوتنا
وتبعد وتنسي سنين العشرة
وتنسي حبيب راجيكا ليالي تفوتوا يقاسي المر والحسرة
المكتوب الجاني قريتو وكان الجوف مخنوق بالعبرة
لومتزكر وعدك لينا والمرسال بين فترة وفترة
……. ………
مااتعودت اشوفو قساكا الااليوم انا فيك محتارة
كيفن هان الريد والعشرة وسبتا حبيبة الروح منهارة
شفتا البينا مشاعروعدت وغدرك لي سميتو شطارة
انا قررتا افوت وانساكا
وانسي ملامح الريد وافكارا
وحتي الروح العشقت ذاتك وكتبت فيك اجمل اشعارا
جات الليلة وكرهت سيرتك وليك دوام ترسل انزارا
……… ……….
اتعودتا علي هجرانك وجيت بي قوة الليلة اصارحك
انت زمان اخترتا بعادنا وشفنا القسوة في كل ملامحك
وحتي خيانتك كانت واضحة وجايي اليوم تتوقع اسامحك
بعد المر العشتو ليالي كيف تتوقع قلبي يسامحك
………… …
راوية احمد مدثر
