عمري بعدو بالساعات
عشان خاطر مواعيدك
أماني اللقيا في عيوني
متين القاك واضم إيدك
دي حتي عيوني يا غالي
بقت ولهانه بتريدك
تمر اللحظه والساعه
واقيف ياغالي وحداني
أمني عيوني بي شوفتك
تعود الفرحه من تاني
….
ومختار دفع الله في رفقته المثرية يستمد المرءطاقة الحب يتجدد بلا حد ونستلهم معني الوفاء فهو في أشعاره يخيط للحبيبة منديل حرير علي ضي القمر وضوء الشموع وهو في علاقاته الإنسانية حالة ممراحة يستفيض رقة ونداوة دائم الحضور في دفتر الأفراح يشيع البهجة ويدخل السرور على الصحاب والناس والشوارع والبيوت.
صحبت مختار دفع الله حيناً من الدهر يعبق بالمودة وأمتح من صحيفة علاقاته الممتدة لعقود متطاولة مع “أشياخه” عمر الدوش والطيب العباسي وابوقطاطي وتجاني حاج موسى علاقات تترقى بالحب والوفاء والنية السليمة.
مع صديقنا مختار دفع الله طربنا مع كلماته بصوت صلاح مصطفي وإسماعيل حسب الدائم ومحمود عبدالعزيز وفي تجربته تعلمنا الحب والريد وكتبنا جوابات الفرح ومنك تبتدي الريدة وبعدك ريدة جد مافي.
